Ye Daulat Bhi Le Lo Ye Shohrat Bhi Le Lo Lyrics Full Song

Ye Daulat Bhii Le Lo, Ye Shoharat Bhii Le Lo
Bhale Chhiin Lo Mujhase Merii Javaanii
Magar Mujhako Lautaa Do Bachapan Kaa Saavan
Vo Kaagaz Kii Kashtii, Vo Baarish Kaa Paanii


Muhalle Kii Sabase Nishaanii Puraanii
Vo Budhiyaa Jise Bachche Kahate The Naanii
Vo Naanii Kii Baaton Mein Pariyon Kaa Deraa
Vo Chahare Kii Jhuriryon Mein Sadiyon Kaa Pheraa
Bhulaae Nahiin Bhuul Sakataa Hai Koi
Vo Chhotii Sii Raaten Vo Lambii Kahaanii


Kadii Dhuup Mein Apane Ghar Se Nikalanaa
Vo Chidiyaa Vo Bulabul Vo Titalii Pakadanaa
Vo Gudiyaa Kii Shaadii Mein Ladanaa Jhagadanaa
Vo Jhuulon Se Giranaa Vo Gir Ke Sambhalanaa
Vo Piital Ke Chhallon Ke Pyaare Se Tohafe
Vo Tuutii Hui Chuudiyon Kii Nishaanii


Kabhii Ret Ke Unche Tiilon Pe Jaanaa
Gharaunde Banaanaa Banaake Mitaanaa
Vo Maasuum Chahat Kii Tasviir Apanii
Vo Kvaabon Khilaunon Kii Jaagiir Apanii
Na Duniyaa Kaa Gam Thaa Na Rishton Ke Bandhan
Badii Khuubasuurat Thii Vo Zindagaanii

Comments

Popular posts from this blog

rafta rafta woh meri hasti ka saman lyrics

chamakte chand ko toota hua taara- Lyrics Hindi Song

Main aur Meri tanhai lyrics - jagjit singh